Oor ons
Ons reis om leessukses vir elke kind moontlik te maak
Die betekenis agter ons naam
Die naam Edunique bring twee belangrike elemente bymekaar: Education (Onderwys) en Unique (Uniek). Ons sien hoe elke leerder met hul eie spesiale talente, behoeftes en leerstyle presteer. Daarom skep ons opvoedkundige hulpbronne wat hierdie verskeidenheid ondersteun.
Ons boeke is noukeurig saamgestel om taalvaardighede stap-vir-stap te ontwikkel. Die program begin by basiese klanke en bou geleidelik tot by lees met begrip. Elke les bevat interaktiewe aktiwiteite, prettige rympies en stories wat kinders help om nuwe vaardighede vas te lê.
Ons kleurvolle boeke is propvol avontuur - dit doen soveel meer as om net leesvaardighede te ontwikkel. Met 'n kreatiewe en effektiewe benadering skep ons hulpbronne waar elke kind met selfvertroue kan groei en ontwikkel.
By Edunique is ons toegewyd aan akademiese sukses vir elke leerder. Ons weet dat elke kind kan leer en verbeter wanneer hulle die regte ondersteuning kry. Kom stap saam op hierdie leerpad!
‘n Hart vir lees en kinders
Ons verhaal
Ek werk al meer as 20 jaar met kinders wat sukkel om te lees. Dit is my hartsbegeerte om leessukses by elke kind ‘n werklikheid te maak. Lees is die bousteen van alle akademiese vordering en het ‘n groot invloed op ‘n kind se selfvertroue – nie net in hul skoolwerk nie, maar in alle aspekte van hul lewens.
